"Qazaqstannyń Eńbek Eri" ataǵyn alǵan Asanáli Áshimovti almatylyq ziialy qaýym ókilderi men Áýezov teatrynyń ártisteri sán-saltanatpen qarsy aldy, - dep habarlaidy "Ult aqparat" tilshisi teatrdyń baspasóz qyzmetine silteme jasap.
Aita keteiik, kúni keshe el Prezidenti Nursultan Nazarbaev óner qairatkerin arnaiy Aqordaǵa shaqyryp, "Altyn juldyz" belgisin tabys etken bolatyn.
"Adam jaqsylyqqa toia ma, jaqsylyqtyń aty jaqsylyq. Raqmet, úkimetke raqmet. Dostaryma raqmet, quttyqtap jatqan, qýanyp jatqan. Soǵan men de qýanyp jatyrmyn. Qýanyshtyń aty qýanysh ár kezde, halyqqa qýanysh ákelý kerek, ol - bizdiń mindetimiz. Óner adamdary ár ýaqytta halyqtyń aldynda. Sondyqtan men barlyǵyna raqmet aitamyn. Elbasyna raqmet aitamyn, óz qolymen tapsyryp, quttyqtap, raqmetin aityp jatqan. Kishkentai ǵana jaqsylyq - adamǵa ómir syilaidy. Prezident januiamdy qabyldady, Asek (uly - Avt.) onyń aldynda óleń oqydy. Ulyma Elbasy avtoqalamyn syilady. Raqmet", - dep qýanyshyn bólisti 80 jas mereitoiyn toilap otyrǵan akter.
Óz kezeginde qarsy alýshylardyń biri bolǵan izbasar býyn akteri Azamat Satybaldy "Elbasynyń Asanáli Áshimovke bergen joǵary baǵasy - qazaq ónerine bergen baǵasy" ekenin aityp ótti. "Osy qurmeti úshin Elbasyǵa alǵys aitamyn. Asanáli aǵamdy shyn júregimmen quttyqtaimyn", - dedi Azamat Satybaldy.
Qarsy alǵandardyń ishinde Esmuhan Obaev, Núketai Múshbaeva, Elik Nursultan, Nazgúl Qarabalina, Azamat Satybaldy jáne teatr ártisteri boldy.
© Nazerke Slanbek
Biyl kórnekti teatr jáne kino akteri, rejisser, óner qairatkeri, ulaǵatty ustaz, Qazaqstan jáne KSRO halyq artisi, Memlekettik syilyqtardyń laýreaty, Halyqaralyq festivalderdiń birneshe márte júldegeri, "Otan" ordeniniń iegeri, Qazaqstan Jazýshylar Odaǵynyń múshesi, M.Áýezov atyndaǵy Qazaq Memlekettik akademiialyq drama teatrynyń kórkemdik jetekshisi, Qazaqstan Teatrlar Assotsiatsiiasynyń tóraǵasy, ulttyq sahna óneriniń órkendeýine mol tájiribesi, abyroi-bedelimen eleýli úles qosqan Asanáli Áshimov 80 jasqa tolyp otyr.
