Almatydaǵy terakt boiynsha aldyn ala sot otyrysy bastalyp jatyr, - dep habarlaidy kaz.tengrinews.kz tilshisi sot zalynan. Bul is qylmystyq ister jónindegi mamandandyrylǵan aýdanaralyq sotta ótip jatyr. Protsess tergeý izoliatorynyń ǵimaratynda ashyq tártipte ótedi. Rýslan Kúlekbaev quqyq qorǵaý organdarynyń jáne arnaiy organdardyń segiz qyzmetkeriniń, sonymen qatar eki beibit turǵynnyń ómirin jalmaǵan terroristik akt jasady dep aiyptalyp jatyr. Sondai-aq, oǵan úsh adamdy óltirýge oqtaldy degen aiyp taǵylyp otyr.
Sotty tergeý izoliatorynyń ǵimaratynda ótkizý týraly sheshimdi sottaǵylar Rýslan Kúlekbaevtiń óte ashýly ári qoǵamǵa qaýip tóndiretindigimen túsindirdi. Sondai-aq, quqyq qorǵaý organdary sottalýshy qashyp kete me dep qorqyp otyr eken. "Ol kamerasynda kisenmen otyrady. Ol óte qaýipti, sondyqtan sot protsesin tergeý izoliatorynyń ǵimaratynda ótkizýdi durys dep taptyq, sebebi qalalyq sottyń ǵimaratyna tasymaldanatyn bolsa, ol qarsylyq kórsetýi múmkin jáne qashyp ketýge áreket jasaýy múmkin. Kúlekbaevtyń fizikalyq daiyndyǵy bar, ol kisendeýli tursa da, jaýap alynyp jatqan sátte tergeýshige stoldy tóńkerip jibere jazdady", - dedi sottyń ókilderi Tengrinews.kz tilshisine.
Protsess tolyqtai ashyq ótip jatyr. Sonymen qatar, Kúlekbaevpen qatar onyń bes sybailasy sottalyp jatyr.
Al osyǵan deiin Rýslan Kúlekbaevtiń buryndary kikboksingpen ainalysqany jáne jetistikteri úshin osy sport túrinen san márte marapat pen quttyqtaýlarǵa ie bolǵany belgili bolǵan edi. Esimin jariialamaýdy ótingen adam, kikboksingpen shuǵyldanǵan Kúlekbaevtiń "Sport sheberligine kandidat" degen ataǵy da bar ekenin aitty.
Eske salaiyq, 18 shildede Almatyda terroristik akt bolǵan edi. Belgisiz er adam Almaly aýdandyq IIB men UQK departamentine qarýly shabýyl jasady. Oqiǵa saldarynan bes adam, onyń ishinde úsh politsiia qyzmetkeri qaza tapty. Qalada terrorlyq qaterdiń qyzyl deńgeii jariialandy. Qylmysker ustaldy,ol buryn isti bolǵan Qyzylorda oblysynyń týmasy Rýslan Kúlekbaev bolyp shyqty.
Osyǵan deiin IID tergeý jumystary barysynda18 shildede politseilerdi óltirdi degen kúdikke ilingen Rýslan Kúlekbaevtyń jaldamaly páterdi anyqtaǵan bolatyn. Politsiiadaǵylar páterde adam ómirine qaýipti zattardyń bar-joǵyn tekserip shyqty. Alaida, politsiia qyzmetkerleri páterdi tintý kezinde qaýipti zattardy tappady.
