Astana qalasynyń Mádeniet jáne sport basqarmasy Konstitýtsiia kúni elordada ótetin sharalar tizimin usynady, dep habarlaidy QazAqparat.
30 tamyzda Qazaqstannyń mańyzdy memlekettik merekeleriniń biri - QR Konstitýtsiiasy kúni atalyp ótedi.
Merekege orai uiymdastyrylǵan qazaqstandyq estrada juldyzdarynyń kontserti qala ákimdigi mańyndaǵy alańda óz kórermenderin kútedi. Onda Ǵadilbek Janai, Dastan Orazbekov, Gúlnur Orazymbetova, Beibit Qorǵan, Marjan Arapbaeva, Almas Kishkenbaev syndy óner juldyzdary Astana turǵyndary men qonaqtaryna merekelik kóńil-kúi syilaidy. Shara saǵat 18.00-de bastalyp, 23.00-ge deiin jalǵasady.
Konstitýtsiia kúnine arnalǵan kontserttik baǵdarlamalar «Dýmandy Saryarqa» baǵdarlamasy sheńberinde Astana mańyndaǵy barlyq aýdandarda jalǵasyn tabady. Tanymal oryndaýshylar, bi jáne mýzykalyq ujymdar, elordalyq qýyrshaq teatrynyń artisteri, animatorlar jáne tsirk artisteri qala mańyndaǵy 10 turǵyn alapta - Prigorodnyi, Internatsionalnyi, Michýrino, Kúigenjar, Óndiris, Jeleznodorojnyi, Úrker, Kóktal, Promyshlennyi jáne Kazgorodokta qyzyqty oiyn-saýyq ótkizedi. Kontsertterdi saǵat 15:00-den 19:00-ge deiin tamashalaýǵa bolady.
Aita keteiik, 1 maýsymnan beri qala mańynda uiymdastyrylyp júrgen «Dýmandy Saryarqa» kontsertteri 2 qyrkúiekke deiin jalǵasady. Sharalar ashyq alańdarda tegin ótedi.
Sáken Seifýllin atyndaǵy mýzeide QR Konstitýtsiiasy kúnine arnalǵan «Ata zań - azattyqtyń altyn arqaýy» atty kórme ashyldy. Ekspozitsiia saǵat 10:00-nan 18:00-ge deiin ótedi jáne 31 tamyzǵa deiin jalǵasady. Sonymen birge, «ALJIR» mýzeii men Táýelsizdik saraiynda da taqyryptyq keshter ótedi.
Odan bólek, 29 tamyzda Konstitýtsiia kúnine orai «Barys Arena» muz aidyny saraiynda «Astana Daýysy» ekinshi halyqaralyq festivali ótedi. Shara aiasynda álemniń túrli memleketteriniń qazirgi zamanǵy mýzyka oryndaýshylaryna músinsheler tabystaý rásimi ótedi. Sahna tórinde «Evrovidenie-2012» baiqaýynyń jeńimpazy Loreen, Intars Býsýlis, SEVAK, Sogdiana, ALEKSEEV, Grigorii Leps, Ani Lorak jáne Filipp Kirkorov, sondai-aq Grýziia, Shvetsiia, Latviia, Moldova, Armeniia, Ózbekstan, Ýkraina, Resei jáne Qazaqstannyń mýzykalyq reitingterde kósh bastaǵan artisteri óner kórsetedi. Bilet quny - 1000-15000 teńge aralyǵynda bolmaq.
