BQO bas memlekettik sanitar dárigeriniń 2020 jylǵy 21 qarashadaǵy №34-PGVr qaýlysyna ózgerister engizildi, dep habarlaidy "Ult aqparat".
BQO sanitarlyq-epidemiologiialyq baqylaý departamentiniń baspasóz qyzmetinen málim etkenindei, jańa qaýly 11 qańtardan bastap kúshine enedi.
2020-2021 oqý jylynyń úshinshi toqsanynan bastap:
- oqýshylar sany 300-ge deiingi qalalyq jáne aýyldyq mektepter synyptaǵy bala sanyn 15-ten asyrmai dástúrli formatta oqidy;
- jalpy bilim beretin mektepterde 1-5 synyp aralyǵynda, halyqaralyq mektepterde 7-synypqa deiin ata-analardyń ótini boiynsha kezekshi toptar qurylady. Synyptaǵy bala sany 15-ten aspaýy kerek.
- oqý bitiretin synyptar (9, 11, 12) aptanyń 6 kúninde aralas formatta bilim alady: pánderdiń 70 paiyzy shtattyq rejimde, 30 paiyzy qashyqtan oqytylady. Bul rette, synypta 15 adamnan artyq bolmaýy qajet. Áleýmettik qashyqtyqty ustaný, 1 synyp – 1 kabinet qaǵidaty boiynsha oqytý, bir ýaqytta mektepte jobalyq qýattyń 30 paiyzynan aspaityn adamnyń bolýy, sanitariialyq-dezinfektsiialyq rejimdi, betperde rejimi qatań saqtalýy tiis.
Sonymen qatar. bilim berý mekemesi ákimshiliginiń sheshimi boiynsha sabaqtan tys ýaqytta 5 adamnan aspaityn toptarda oqýshylardy jeke oqytýǵa, sondai-aq ekinshi semestrden bastap kolledjder men joǵary oqý oryndarynyń I kýrs stýdentteri úshin shtattyq oqytýǵa ruqsat beriledi.
Budan bólek, jańa Qaýlyǵa sáikes kinoteatrlardyń jumysyna ruqsat etildi. Tek ondaǵy adamdardyń tolýy 20 paiyzdan aspaýy tiis.
