Foto: uiymdastyrýshylardan
2025 jyly 14 naýryzda Almaty qalasynda Salem Entertainment uiymdastyrǵan «KinoKórisý» marapattaý keshi ótti. Shara ótken jyldyń qorytyndysyn shyǵardy, dep habarlaidy Ult.kz.
«Biz áriptesterimizdiń jetistikterin qurmetteimiz jáne qazaqstandyq kinonyń damýy úshin ashyq ári yntymaqtastyqqa negizdelgen orta qajet dep sanaimyz», — dep atap ótti Salem Entertainment bas prodiýseri Qýat Sadyqov.
Úzdikterdi taný jáne marapattaý
Marapattaý keshinde kinoindýstriiaǵa aitarlyqtai úles qosqan mamandar men kompaniialar atap ótildi:
- Tiger Films — ekshn janryn damytýǵa qosqan úlesi úshin;
- Aqan Sataev jáne Saiat Isembaev — qylmystyq dramany jańa deńgeige shyǵarǵany úshin;
- Qazaqfilm — ulttyq kinoǵa 90 jyl qyzmet etkeni úshin;
- Bas Production — «Patrýl» serialynyń kópjyldyq tabysy úshin;
- Nurlan Qoianbaev — qazaqstandyq kinonaryqtaǵy kommertsiialyq serpilisi úshin.
Sonymen qatar, Filmmakers, Corich Group, Art Dealers, Freedom Media, Unico Play sekildi kinoóndiris salasyndaǵy basqa da kompaniialar marapattaldy.
Foto: uiymdastyrýshylardan
Qazaqfilm stýdiiasy qazaq kinosynyń altyn qoryndaǵy kýlttik filmderdi qalpyna keltirý, stýdiialardy jańǵyrtý jáne tehnikalyq jabdyqtardy jańartý týraly josparlarymen bólisti. Bul bastamalar ulttyq murany saqtaý jáne jańa býyn kinematografisterdi damytýǵa baǵyttalǵan mańyzdy qadam dep otyr uiymdastyrýshylar.
Keshtiń eń basty jańalyqtarynyń biri — 5,5 milliard teńge kólemindegi Tolqyn Film Fund qorynyń iske qosylýy. Uiymdastyrýshylardyń sózinshe bul qor qazaqstandyq kinoóndiristi, sonyń ishinde janrlyq filmderdi qoldaýǵa jańa múmkindikter ashady. Jas jáne tájiribeli rejisserler men stsenarister óz ideialaryn júzege asyrý úshin osy qordyń kómegine júgine alady.
«Kúshti naryq jabyq esikterdiń artynda emes, ashyq dialog pen ortaq jumys arqyly qalyptasady», — dep túiindedi Salem Entertainment bas direktory Igor Tsai.
