Qańtar qasireti biz kútpegen jait dep aitýǵa da, aitpaýǵa da bolady. Sebebi bári osyǵan kele jatty. Qoǵamdaǵy jumyssyzdyq, ideologiianyń álsireýi, túrli dini aǵymdardyń jastardy jan-jaqqa alyp ketýi, aqsha men bilikke degen qushtarlyq - ainalyp kelgende bizdi azǵantai ýaqytta osyndai qasiretke soqtyrdy. Osynyń aldyn alýǵa bolatyn edi. Jurt aitpady emes aitty, jazbady emes jazyldy. Biraq qoǵam qalamgerlerdiń pikirimen sanaspai, qulaq aspai ketti.
Muny uiymdastyrǵandar – birinshi bilikke qumarlar. Ekinshiden - táýelsizdikti aiaqqa basqysy kelgender. Úshinshiden - aqsha qýǵan jandar. Olar memlekettik tóńkeris jasaǵysy keldi. Sonyń saldarynan jazyqsyz jandar, beibit sherýge shyqqan azamattar qurban boldy. Politsiia qyzmetkerleri qaza tapty.
Eń bastysy elge, ultqa degen tárbie bosańsyp ketti. Ulttyq ideologiiamyz álsiredi. Uzyn arqan, keń tusaý áli otyr. Onyń qandai astary bar, qandai jaǵdaiy bar belgisiz. Aqyn ana retinde aitarym, naqty sheshimi aitylýy kerek. El aqiqatty bilýi tiis. Qoǵamda adamdar senimin joǵaltpaýy kerek. Ultty saqtaimyz desek, ideologiiamyzdy túzeiik. Sondyqtan qańtar oqiǵasynan sabaq alyp, kimniń kináli, kinásiz ekenin tez arada aitýy kerek.
Aqushtap Baqtygereeva,
Aqyn, Memlekettik syilyqtyń iegeri
