Soltústik Koreia basshysy Kim Chen Yn AQSh prezidenti Donald Trampty "esi aýysqan" dep atap, ol "Soltústik Koreiany joiyp jiberemin" degen qoqan-loqysy úshin "sazaiyn tartatynyn" málimdedi, dep jazady Azattyq.
Kim Chen Yn bul málimdemesin 22 qyrkúiek kúni AQSh-tyń Soltústik Koreiaǵa qarsy jańa sanktsiia salǵanyna jáne Tramptyń 19 qyrkúiek kúni BUU Bas assambleiasynda óz eline qatysty aitqan qatań sózderine jaýap retinde jasady.
Tramp 21 qyrkúiekte Soltústik Soltústik Koreianyń tekstil ónerkásibi, balyq aýlaý, aqparattyq tehnologiialar jáne óńdeý ónerkásibine jańa sanktsiia salatyn jarlyq shyǵarǵan. Budan ózge, jarlyq AQSh qarjy ministrligine Soltústik Koreiamen jumys istesken kez-kelgen bankke qarsy sanktsiia salýǵa quqyq beredi.
Tramp Soltústik Koreia rejimin qarjylai qoldaýǵa tózýge bolmaitynyn aitqan. Onyń sózinshe, jańa sanktsiialar Pheniannyń iadrolyq qarý baǵdarlamasyn qarjylandyrý kózderin jabady.
Kim Chen Yn bilikke kelgeli Soltústik Koreia AQSh territoriiasyna jetetin qurlyqaralyq ballistikalyq jasaý jáne iadrolyq qarý jasaý baǵdarlamalaryn damytýǵa kúsh salyp, birneshe ret zymyran synaǵan.
Kim Chen Yn 22 qyrkúiekte Tramp "álem aldynda sóilegende kim týraly aityp turǵanyna muqiiat bolýy tiis jáne ár sózdi muqiiat aitý qabiletin shyńdaýy qajet" dedi.
Donald Tramp 19 qyrkúiekte BUU-ny Pheniannan tóngen qaýipke qarsy turýǵa shaqyryp, Kim Chen Yndy "óz-ózine qol jumsaý jolyna túsken zymyran adam" dep ataǵan.
