Soltústik Koreia lideri Kim Chen Yn eldegi Eńbek partiiasynyń bas hatshysy bolyp taǵaiyndaldy. Bul týraly Soltústik Koreianyń resmi ortalyq telegraf agenttigi habarlady. Buǵan deiin Kim Chen Yn partiia tóraǵasy qyzmetin atqarǵan.
Ońtústik koreialyq "Rionhap" agenttiginiń derekkózderiniń málimetinshe, jeksenbi keshkisin Phenian qalasynda áskeri parad ótken. Jýrnalister bul sharany Eńbek partiiasynyń sezimen bailanystyrady.
Kim Chen Ynnyń ákesi Kim Chen Ir men atasy Kim Ir Sen kózi tirisinde Eńbek partiiasynyń bas hatshysy bolǵan.
Kim Chen Ir 2011 jyly qaitys bolǵan soń onyń uly partiianyń Ortalyq komitetiniń birinshi hatshysy bolyp taǵaiyndalǵan. 2016 jyly sekretariat taratylyp, Kim Chen Yn partiiasynyń saiasi keńesiniń jetekshisi bolǵan. Endi keńes qaitadan sekretariatqa ainalyp, Kim Chen Yn qaita bas hatshylyqqa oraldy.
Ol – buǵan qosa eldiń qarýly kúshteriniń bas qolbasshysy jáne korei halyq áskeriniń marshaly.
