24 sáýirde Soltústik Koreia basshysy Kim Chen Yn alǵash ret Reseige saparlap keldi. Kim eki el shekarasyndaǵy Hasan stantsiiasyna Resei Prezidenti Vladimir Pýtinmen kezdesýinen bir kún buryn jetti.
Hasanda Kim Chen Yn 1986 jyly ákesi SSSR-ge kelerden buryn salynǵan "Kim Ir Senniń úii" degen atpen tanymal orys-korei dostyq úiine bardy. Munan soń Kim Pýtinmen kezdesý ótetin Vladivostok qalasyna júrip ketti.
"25 sáýirde ótetin kelissózdiń negizgi taqyryby Korei túbegindegi iadrolyq qarý máselesin diplomatiialyq jáne saiasi jolmen sheshý bolmaq" dep málimdedi 23 sáýirde Kreml ókili Iýrii Ýshakov. Onyń sózinshe, sońǵy kezderi túbektegi jaǵdai "rettelgen". Ýshakov "buǵan Soltústik Koreianyń iadrolyq qarýdy synaýyn doǵaryp, poligondy jabýy yqpal etti" deidi.
Kreml ókiliniń sózinshe, Kim men Pýtin aldymen shaǵyn quramda betpe-bet kezdesip, artynsha keńeitilgen otyrys ótkizedi. Reseidiń memlekettik RIA "Novosti" agenttiginiń jazýynsha, kezdesý kezinde qandai da bir qujatqa qol qoiý ne birigip málimdeme jasaý josparlanbaǵan.
