Soltústik Koreianyń áielder arasyndaǵy «Negohian» fýtbol klýbynyń oiynshylary el basshysy Kim Chen Ynmen kezdeskennen keiin qýanyshtan jylap, emotsiialaryn jasyra almady, dep habarlaidy ult.kz.
Klýb jýyrda tarihqa enip, áielder arasyndaǵy Aziia chempiondar ligasyn jeńip alǵan KHDR-dyń alǵashqy komandasy atandy.
Tarihi jeńisten keiin fýtbolshylardy elge oralǵan bette Kim Chen Yn jeke qabyldap, ár sportshynyń qolyn qysyp quttyqtaǵan. Sondai-aq ol komandamen estelik sýretke túsken.
Kezdesý kezinde keibir oiynshylar tolqýdan kóz jasyna erik berse, endi biri qýanyshtan sekirip, erekshe emotsiialaryn kórsetken.
Odan keiin chempion qyzdar joldastyq match ótkizip, oiyndy tribýnadan Kim Chen Ynnyń ózi tamashalaǵan.
Áleýmettik jelilerde taraǵan kadrlar qyzý talqyǵa túsip, kópshilik fýtbolshylardyń Soltústik Koreia basshysymen kezdesýdegi áserine nazar aýdardy.
