Mańǵystaýda tegin shópti áketýge kelgen bir top adamnyń videosy áleýmettik jelide tarap ketti, dep jazady Sputnik agenttigi.
Rolikten aýyldyqtar eldiń basqa óńirlerinen jetkizilgen shópti áketip jatqanyn kórýge bolady, dep jazdy Lada.
Sonymen qatar aýyl turǵyndarynyń qylyǵy video avtorynyń ashýyn týdyrdy.
"Myna halyqty qara. Otbasynda alty adam bolsa, sonyń bári alyp jatyr. Bala-shaǵasymen osynda júr. Kileń djipter, kileń bailar kelgen. Adamnan kólik kóp. Ne degen sumdyq!" - deidi avtor.
Eske sala keteiik, Mańǵystaý jáne Qyzylorda oblystarynda qurǵaqshylyq saldarynan jem-shóp tapshylyǵy týyndady. Resmi málimet boiynsha, eki óńirde eki myń mal ashtyqtan ólgen. Aýyl sharýashylyǵy ministri Mańǵystaýda jylqynyń jappai qyrylýyna ákimdikterdiń shalaǵai jumysy sebep bolǵanyn aitty.
