Qazaqstan Ulttyq Banki (budan ári – QUB) KIIZ ÚI jáne SALIÝT-1 kollektsiialyq monetalaryn ainalymǵa shyǵarady.
Monetalardyń satylymǵa shyǵatyn kúnine qatysty aqparat QUB resmi saitynda qosymsha habarlanady.
KIIZ ÚI kollektsiialyq monetalary týraly:
Nominaldary 5 000 jáne 500 teńgelik kúmisten jasalǵan KIIZ ÚI monetalary «Dala qazynasy» seriiasyn jalǵastyrady. Monetalardyń dizainy kiiz úi keńistiginiń sheksizdigi men ondaǵy kóshpendiler áleminiń ornyn bildiredi.
Kiiz úi – kóshpeli túrki halyqtarynyń ǵasyrlar boiy qalyptasqan dástúrin saqtaǵan, ulttyq qazyna sanalatyn dástúrli qonysy. Ol adam men dúnieniń, kúndelikti ómir men mádeniettiń ózara bailanysyn beineleidi.
Monetalardyń aversinde kiiz úi men dala keńistiginiń keltirilgen beineleri aiasynda Qazaqstan Respýblikasynyń Memlekettik eltańbasy ornalasqan, joǵary bóliginde –QAZAQSTAN RESPÝBLIKASY jazýy, tómengi bóliginde – Qazaqstan teńge saraiynyń taýar belgisi (logotipi), monetalardyń nominalyn bildiretin massasy 1 000 gramdyq monetada – «5 000 TEŃGE» jáne massasy 31,1 gramdyq monetada – «500 TEŃGE» degen jazý, sondai-aq monetalar daiyndalǵan metall, synamasy men salmaǵy týraly málimetter bar.
Monetalardyń reversinde kiiz úidiń, onyń ishki jabdyǵynyń beinesi men kóshpendi halyqtardyń etnomádeni ómirin aiqyndaityn turmystyq zattar beinelengen jáne KIIZ ÚI jazýy bar.
Monetalar:
- interferentsiialyq qubylmalylyq beineleý jáne altyn jalatý tehnologiiasyn qoldana otyryp 925/1000 synamaly kúmisten, massasy – 1 000 gramm, diametri – 100 mm, sapasy – «proof», nominaly – 5 000 teńgelik, taralymy – 350 dana;
- interferentsiialyq qubylmalylyq beineleý jáne altyn jalatý tehnologiiasyn qoldana otyryp 925/1000 synamaly kúmisten, massasy – 31,1 gramm, diametri – 38,61 mm, sapasy – «proof», nominaly – 5 00 teńgelik, taralymy – 5 000 dana.
Bul monetalar olardyń belgilengen quny boiynsha Qazaqstan Respýblikasynyń búkil aýmaǵynda tólemderdiń barlyq túri boiynsha, sondai-aq bank shottaryna esepteý úshin jáne Qazaqstan Respýblikasynyń barlyq bankinde aýdarý, usaqtaý jáne aiyrbastaý úshin qabyldanýǵa jatady.
Monetalar kádesyi oramynda shyǵarylady, olardyń memlekettik, orys jáne aǵylshyn tilderinde QUB-tyń nómirlik sapa sertifikaty bar.
Kollektsiialyq monetalar Qazaqstan teńge saraiynda daiyndalǵan.
SALIÝT-1 kollektsiialyq monetalary týraly
Nominaly 500 teńgelik tantal bar kúmisten, nominaly 200 teńgelik melhior qospasynan jáne nominaly 100 teńgelik neizilber qospasynan jasalǵan SALIÝT-1 kollektsiialyq monetalary «Ǵarysh» seriiasyn jalǵastyrady. Monetalar Baiqońyr ǵarysh ailaǵynan basqarylatyn álemdegi alǵashqy «Saliýt-1» orbitalyq ǵarysh stantsiiasynyń ushyrylǵanyna 50 jyl tolýyna orailastyrylǵan.
Monetalardyń sipattamasy
Moneta aversiniń ortalyq bóliginde ótken men búginniń bailanysy retinde adam men Ǵalamnyń birligin bildiretin kompozitsiia beinelengen. Monetalardyń oń jaǵynda: tantal aralas kúmisten jasalǵan monetada – «500 TEŃGE», melhior qospasynan jasalǵan monetada – «200 TEŃGE», neizilber qospasynan jasalǵan monetada – «100 TEŃGE» nominalyn bildiretin jazýlary bar.
Tantal bar kúmisten jasalǵan monetadaǵy nominaldyń astynda moneta jasalǵan metaldy, onyń synamasy men massasyn bildiretin «Ag 925 14,6 g Ta 26,8 g» degen jazý ornalasqan. Tómengi jaǵynda – Qazaqstan teńge saraiynyń logotipi bar. Jieginde ainaldyra memlekettik tilde «QAZAQSTAN RESPÝBLIKASY» jáne aǵylshyn tilinde «REPUBLIC OF KAZAKHSTAN» degen jazýmen kómkerilgen.
Monetalardyń syrt jaǵynda (reversinde) ortasynda «Saliýt – 1» orbitalyq ǵarysh stantsiiasynyń beinesi ornalasqan. Ainaldyra – monetalardyń memlekettik tildegi, orys jáne aǵylshyn tilindegi aty, sondai-aq oqiǵanyń mereitoilyq datasyn bildiretin «1971-2021» jazýy bar. Sol jaǵynda – ǵaryshtan kórinetin Jer betiniń beinesi. Tómengi bóliginde - aǵylshyn tilindegi BAIKONUR jazýy bar.
Monetalar:
- massasy 41,4 gramm kúmisten jáne tantaldan (saqina – 925 synamaly kúmisten, massasy 14,6 gramm, disk – massasy 26,8 gramm tantaldan) daiyndalǵan, diametri 38,61 mm, «proof» daiyndaý sapasymen, nominaly 500 teńgelik, daiyndaý taralymy – 2500 dana;
- MN 25 melhior qospasynan daiyndalǵan, massasy 15 gramm, diametri 33 mm, «proof-like» daiyndaý sapasymen, nominaly 200 teńgelik, daiyndaý taralymy – 10 000 dana;
- MNTs 15-20 neizilber qospasynan daiyndalǵan, massasy 11,17 gramm, diametri 31 mm, «uncirculated» daiyndaý sapasymen, nominaly 100 teńgelik, daiyndaý taralymy – 100 000 dana.
Bul monetalardyń barlyǵy olardyń belgilengen quny boiynsha Qazaqstan Respýblikasynyń búkil aýmaǵynda tólemderdiń barlyq túri boiynsha, sondai-aq bank shottaryna esepteý úshin jáne Qazaqstan Respýblikasynyń barlyq bankterinde aýdarý, usaqtaý jáne aiyrbastaý úshin qabyldanýǵa jatady.
Monetalar kádesyilyq oramda shyǵarylady, olardyń memlekettik, orys jáne aǵylshyn tilderinde QUB-tyń nómirlik sapa sertifikaty bar.
Kollektsiialyq monetalar Qazaqstan teńge saraiynda daiyndalǵan.
