«Baiqońyr» ǵarysh ailaǵynan tasymaldaǵysh zymyrandy árbir ushyrǵan saiyn jaqyn mańdaǵy eldi mekenderdiń tirshilik ortasyna gigienalyq baǵa berý jumysy júrgizilip otyrady. Bul týraly Májilistiń jalpy otyrysynda QR Tsifrlyq damý, innovatsiialar jəne aeroǵarysh ónerkəsibi ministri Baǵdat Mýsin málim etti, dep habarlaidy QazAqparat.
Aita keteiik, búgin palatanyń jalpy otyrysynda «QR Úkimeti men RF Úkimeti arasyndaǵy poliar mańyndaǵy orbitalarǵa soltústik baǵytta ǵarysh apparattaryn ushyrý úshin «Baiqońyr» ǵarysh ailaǵynan «Soiýz-2» tipindegi tasymaldaǵysh zymyrandardy ushyrýdy júzege asyrý jónindegi yntymaqtastyq týraly kelisimdi ratifikatsiialaý týraly» zań jobasy maquldandy.
«Tasymaldaǵysh zymyrandy árbir ushyrǵan saiyn jaqyn mańdaǵy eldi mekenderdiń tirshilik ortasyna gigienalyq baǵa berý jumystary júrgizilip otyrady. Qorshaǵan orta nysandarynyń synamalary alynyp, turǵyndardyń densaýlyq kúiine skrining júrgiziledi. Sonymen qatar, qulaý aýdanyn paidalaný kezinde janýarlar men ósimdikter álemine jyl saiyn monitoring júrgizý kózdelip otyr», - dedi B. Mýsin.
«Tabiǵat qorǵaý uiymdarynyń kiikterdiń tóldeý jáne qustardyń uia salý kezeńinde qulaý aýdanyn paidalanýdy shekteý týraly talaptar oryndalady. Iaǵni sáýir men maýsym ailary aralyǵynda tasymaldaǵysh zymyrandar ushyrylmaidy», - dedi ministr.
