«بايقوڭىر» عارىش ايلاعىنان تاسىمالداعىش زىمىراندى ەربٸر ۇشىرعان سايىن جاقىن ماڭداعى ەلدٸ مەكەندەردٸڭ تٸرشٸلٸك ورتاسىنا گيگيەنالىق باعا بەرۋ جۇمىسى جٷرگٸزٸلٸپ وتىرادى. بۇل تۋرالى مەجٸلٸستٸڭ جالپى وتىرىسىندا قر تسيفرلىق دامۋ, يننوۆاتسييالار جəنە اەروعارىش ٶنەركəسٸبٸ مينيسترٸ باعدات مۋسين مەلٸم ەتتٸ, دەپ حابارلايدى قازاقپارات.
ايتا كەتەيٸك, بٷگٸن پالاتانىڭ جالپى وتىرىسىندا «قر ٷكٸمەتٸ مەن رف ٷكٸمەتٸ اراسىنداعى پوليار ماڭىنداعى وربيتالارعا سولتٷستٸك باعىتتا عارىش اپپاراتتارىن ۇشىرۋ ٷشٸن «بايقوڭىر» عارىش ايلاعىنان «سويۋز-2» تيپٸندەگٸ تاسىمالداعىش زىمىرانداردى ۇشىرۋدى جٷزەگە اسىرۋ جٶنٸندەگٸ ىنتىماقتاستىق تۋرالى كەلٸسٸمدٸ راتيفيكاتسييالاۋ تۋرالى» زاڭ جوباسى ماقۇلداندى.
«تاسىمالداعىش زىمىراندى ەربٸر ۇشىرعان سايىن جاقىن ماڭداعى ەلدٸ مەكەندەردٸڭ تٸرشٸلٸك ورتاسىنا گيگيەنالىق باعا بەرۋ جۇمىستارى جٷرگٸزٸلٸپ وتىرادى. قورشاعان ورتا نىساندارىنىڭ سىنامالارى الىنىپ, تۇرعىنداردىڭ دەنساۋلىق كٷيٸنە سكرينينگ جٷرگٸزٸلەدٸ. سونىمەن قاتار, قۇلاۋ اۋدانىن پايدالانۋ كەزٸندە جانۋارلار مەن ٶسٸمدٸكتەر ەلەمٸنە جىل سايىن مونيتورينگ جٷرگٸزۋ كٶزدەلٸپ وتىر», - دەدٸ ب. مۋسين.
«تابيعات قورعاۋ ۇيىمدارىنىڭ كيٸكتەردٸڭ تٶلدەۋ جەنە قۇستاردىڭ ۇيا سالۋ كەزەڭٸندە قۇلاۋ اۋدانىن پايدالانۋدى شەكتەۋ تۋرالى تالاپتار ورىندالادى. ياعني سەۋٸر مەن ماۋسىم ايلارى ارالىعىندا تاسىمالداعىش زىمىراندار ۇشىرىلمايدى», - دەدٸ مينيستر.
