Qazaqstan aýmaǵyndaǵy kiik mekendeitin óńirlerde (10 oblys) aǵymdaǵy mamyr aiynyń sońyna deiin jalǵasatyn kiiktiń tóldeý kezeńi bastaldy. Bul týraly Ekologiia ministrligi habarlady.
Osyǵan bailanysty, mamyr aiynyń basynan bastap, tóldeý úshin qaýipsiz jaǵdai jasaý maqsatynda, kiikter jinalatyn jáne qonys aýdaratyn jerlerde kúsheitilgen reidter júrgizilýde.
Osy is-árekettiń barlyǵyn baqylaý úshin, QR Ekologiia, geologiia jáne tabiǵi resýrstar ministrligi Aqmola oblysynyń Jaqsy aýdanyna baspasóz týryn uiymdastyrdy.
Aktsiia aiasynda, kiikter mekendeitin (shoǵyrlanǵan) jáne tóldeitin ýchaskelerde blok-beketter qoiý arqyly qorǵaý is-sharalary kúsheitildi.
Aktsiiaǵa ekologiia ministrligi Orman sharýashylyǵy jáne janýarlar dúniesi komitetiniń «Ohotzooprom «ÓB» RMQK 200-den astam inspektory jumyldyryldy.
Aita ketý kerek, kiikterdiń Dúniejúzilik popýliatsiiasynyń 90% - dan astamy Qazaqstanǵa tiesili.
Munda kiikterdiń Betpaqdala, Oral jáne Ústirt sekildi 3 popýliatsiiasy mekendeidi.
Aidyń basynan bastap qolaily aýa raiyna bailanysty kiiktiń tóldeýi turaqty kúide ótedi, alańdaýshylyq faktorlary baiqalmaidy.
2019 jylǵy esep boiynsha janýarlardyń sany 334 400 basty qurady:
Betpaqdala popýliatsiiasy - 111 500 basty,
Oral popýliatsiiasy - 217 000 basty,
Ústirt popýliatsiiasy - 5 900 basty.
2020 jyly pandemiiaǵa bailanysty esep júrgizilgen joq. Qazirgi ýaqytta, esep qaita jańartyldy, onyń nátijeleri aǵymdaǵy jyldyń sońynda alynady.
Esterińizge sala keteiik, osy janýarlardyń sanyn arttyrý jáne saqtaý úshin ministrlik ǵylymi maqsatta paidalanýdan basqa, Qazaqstannyń barlyq aýmaǵynda kiikterdi, olardyń bólikteri men derivattaryn paidalanýǵa 2023 jylǵa deiin tyiym saldy.
Sondai-aq, osy maqsatta QR Qylmystyq kodeksinde kiikterge brakonerlik jasaǵany úshin, tipti 12 jylǵa deiingi merzimge bas bostandyǵynan aiyrýǵa jáne múlkin tárkileýge deiingi jazalaý sharalary qatańdatyldy.
