Kievte Ýkraina prezidenti Vladimir Zelenskiidiń korteji apatqa ushyrady. Bul týraly onyń baspasóz hatshysy Sergei Nikiforov málimdedi, - dep habarlaidy Massaget.kz portaly "Ýkrainskaia pravda" basylymyna silteme jasap.
"Kievte jeńil kólik Ýkraina prezidenti otyrǵan kortejben soqtyǵysty. Memleket basshysymen birge júrgen dárigerler kólik júrgizýshisine shuǵyl kómek kórsetip, ony jedel járdemge tapsyrdy. Aýyr jaraqat alǵandar joq. Prezident te dárigerge qaraldy, qorqatyndai jaraqattar joq. Tártip saqshylary jol apatynyń barlyq mán-jaiyn anyqtaidy", - dep jazdy Nikifirov Facebook paraqshasynda.
Eske salaiyq, 14 qyrkúiekte ýkrainalyq aqparat quraldary Vladimir Zelenskiidiń Ýkrainanyń Harkov oblysyndaǵy Iziým qalasyna kelgenin habarlaǵan bolatyn.
