Kiev ortalyǵynda bolǵan jarylystyń aldyn ala sebebi anyqtaldy, dep habarlaidy Ýkrinform.
Kievtiń Pýshkinskaia kóshesindegi jarylysqa granatany uqypsyz paidalaný negizgi sebep bolýy múmkin. Bul týraly Kiev politsiiasynyń basshysy Andrei Krishenko aitty
Krishenkonyń aitýynsha, jarylys saldarynan kóz jumǵan adamdar ózara tanys bolǵan. Olar jarylys bolǵan Pýshkinskaia kóshesindegi keńseniń janynda áńgimelesip turǵan.
Sondai-aq, marqumdarǵa eshkimniń jaqyndamaǵanyn jáne kikiljińniń bolmaǵanyn kórsetetin beinekamera jazbalary men kýágerler bar.
«Biz oqiǵa orny men keńse ǵimaratyn tekserip, ishimdik qaldyqtaryn taptyq. Qaza tapqandardyń biriniń turǵylyqty mekenjaiyn tintý barysynda granata tutandyrǵysh tabyldy», - dedi Krishenko.
Quqyq qorǵaýshylar Ýkraina Qylmystyq kodekisiniń 115-baby 2 bóligi boiynsha is qozǵap, tergep jatyr.
