Kiev túbinde oqqa ushqan amerikalyq jýrnalist Brent Renonyń qyzmettik kýáligi.
Kiev oblysy politsiiasynyń basshysy Andrei Nebitov Kiev túbindegi Irpende amerikalyq jýrnalist Brent Renonyń oqqa ushqanyn habarlady. Nebitov Facebook paraqshasynda jýrnalistiń press-kartasy men tólqujatyn, sondai-aq qansyraǵan adamnyń sýretin jariialady, dep jazady Azattyq.
Kievtegi balalar aýrýhanasynyń baspasóz hatshysy Anastasiia Magerramova shabýyl kezinde Renonyń janynda bolǵan taǵy bir amerikalyq jýrnalistiń videosyn jariialady. Onyń sózine qaraǵanda, olar Irpendegi kópirlerdiń birinde bosqyndardy túsirip, ekinshisine qarai barǵan kezde shabýylǵa ushyraǵan.
Jýrnalistiń press-kartasynda onyń The York Times tilshisi ekeni aitylady. Alaida basylym Renonyń qazir gazette istemeitinin aitqan.
Brent Reno - qaqtyǵys oryndarynan aqparat taratatyn jýrnalist. Derekti filmderdiń avtory retinde bedeldi halyqaralyq syilyqqa ie bolǵan. Egipet, Ońtústik Amerika elderindegi tóńkeristerden reportaj jasaǵan.
