كيەۆ تٷبٸندە وققا ۇشقان امەريكالىق جۋرناليست برەنت رەنونىڭ قىزمەتتٸك كۋەلٸگٸ.
كيەۆ وبلىسى پوليتسيياسىنىڭ باسشىسى اندرەي نەبيتوۆ كيەۆ تٷبٸندەگٸ يرپەندە امەريكالىق جۋرناليست برەنت رەنونىڭ وققا ۇشقانىن حابارلادى. نەبيتوۆ Facebook پاراقشاسىندا جۋرناليستٸڭ پرەسس-كارتاسى مەن تٶلقۇجاتىن, سونداي-اق قانسىراعان ادامنىڭ سۋرەتٸن جارييالادى, دەپ جازادى ازاتتىق.
كيەۆتەگٸ بالالار اۋرۋحاناسىنىڭ باسپاسٶز حاتشىسى اناستاسييا ماگەرراموۆا شابۋىل كەزٸندە رەنونىڭ جانىندا بولعان تاعى بٸر امەريكالىق جۋرناليستٸڭ ۆيدەوسىن جارييالادى. ونىڭ سٶزٸنە قاراعاندا, ولار يرپەندەگٸ كٶپٸرلەردٸڭ بٸرٸندە بوسقىنداردى تٷسٸرٸپ, ەكٸنشٸسٸنە قاراي بارعان كەزدە شابۋىلعا ۇشىراعان.
جۋرناليستٸڭ پرەسس-كارتاسىندا ونىڭ The York Times تٸلشٸسٸ ەكەنٸ ايتىلادى. الايدا باسىلىم رەنونىڭ قازٸر گازەتتە ٸستەمەيتٸنٸن ايتقان.
برەنت رەنو - قاقتىعىس ورىندارىنان اقپارات تاراتاتىن جۋرناليست. دەرەكتٸ فيلمدەردٸڭ اۆتورى رەتٸندە بەدەلدٸ حالىقارالىق سىيلىققا يە بولعان. ەگيپەت, وڭتٷستٸك امەريكا ەلدەرٸندەگٸ تٶڭكەرٸستەردەن رەپورتاج جاساعان.
