Foto: Polisia.kz
IIM kiberqylmysqa qarsy is-qimyl departamenti uialy bailanys operatorlarymen jáne "Qazaqtelekommen" birlesip, internet-alaiaqtar paidalanatyn tehnikalyq arnalardy anyqtaý boiynsha belsendi sharalar qabyldaýda, dep habarlaidy Ult.kz.
Kiberpolitsiia qyzmetkerleri Kókshetaý jáne Jezqazǵan qalalarynyń prokýratýrasymen ózara is-qimyl jasai otyryp, zańsyz qyzmetti júzege asyrý úshin Qazaqstanǵa kelgen eki jumyssyz shetel azamatyn ustady.
"Eki qalada júrgizilgen tintý is-sharalary barysynda 128 slottan turatyn eki sim-box qurylǵysy, úsh myńǵa jýyq sim-karta, roýterler, marshrýtizatorlar men uialy telefondar tárkilendi. Ustalǵandardyń ekeýi de ýaqytsha ustaý izoliatoryna qamaldy, - dedi IIM kiberqylmysqa qarsy is-qimyl departamenti bastyǵynyń orynbasary Aslan Ýskembaev.
Jyl basynan beri alaiaqtardyń 10 uiashyǵynyń qyzmeti toqtatyldy. 11 adam ustaldy, onyń ishinde tórteýi sheteldik. 36 sim-box jabdyǵy, 8 myńnan astam sim-karta, 11 kompiýter, 452 usb-modem tárkilendi.
