Kiberqylmystar sany da jiilep ketti. Bul týraly QR IIM Kriminaldyq politsiia departamenti bastyǵynyń orynbasary Qanat Nurmaǵambetov málim etti, dep habarlaidy QazAqparat.
«Pandemiia kezinde álemde qabyldanǵan shekteýler qoǵamdaǵy máseleler men mindetterdiń kóbisin internet jelisi arqyly sheshýge úiretti. Degenmen kiberqylmystar sany da jiilep ketti, onyń ishinde internet-alaiaqtyq jaǵdailary kóbeidi. Ótken jyly mundai 14 myń qylmys jasalsa, al biyldyń qańtar aiynda 1 700-den asyp tústi», - dedi Q. Nurmaǵambetov onlain rejimdegi brifingide.
Onyń sózine qaraǵanda, kóp jaǵdaida alaiaq pen odan zardap shekken adamdar eldiń ártúrli óńirlerinde bolady. Qylmyskerler aqsha jymqyrý men jeke málimetterdi alýǵa, akkaýnttar men elektrondy shottarǵa qol jetkizýge baǵyttalǵan áreketterdi jasap keledi.
«Tájiribe kórsetkendei, bir alaiaqtyń sońynan zańsyz áreketterdiń tutas tizbegi jalǵasyp jatady. Qylmys jasaý úshin túrli bank shottary, kartalar, sondai-aq basqa adamdarǵa rásimdelgen abonettik nómirler paidalanylady», - dedi Kriminaldyq politsiia departamentiniń ókili.
Budan buryn habarlanǵandai, qylmystardyń jalpy aýqymynda 10 paiyzdan astamy alaiaqtyqqa tiesili.
