Kiberqaterlerge qarsy is-qimyldar boiynsha is-sharalarǵa 71,3 mlrd teńge bólinedi. Bul týraly Májiliste «2018-2020 jyldarǵa arnalǵan respýblikalyq biýdjetti naqtylaý týraly» QR zańynyń jobasyn tanystyrǵan QR Qarjy ministri Baqyt Sultanov aitty, dep habarlaidy QazAqparat.
«Elbasy byltyrǵy jyldyń Joldaýynda negizgi maqsaty tsifrlandyrý bolyp tabylatyn Úshinshi jańǵyrý týraly jariialaǵan bolatyn. Tsifrlyq tehnologiialardy qoldana otyryp jasalǵan jańa indýstriiany damytý qajettiligin atap ótti. Bul rette, aqparattyq qoǵam damýynyń mańyzdy sharty kiberqaýipsizdik bolyp tabylady. Kiberqaterlerge qarsy is-qimyldar boiynsha is-sharalarǵa 71,3 mlrd teńge bólý usynylady», - dedi ministr.
Onyń aitýynsha, atalǵan qarjy, elimizdiń tsifrlyq aqparattyq keńistiginiń memlekettik jáne jeke nysandaryna kiber qastandyqtar men aqparattyq shabýyldardy tabý, jolyn kesý tehnikalyq tekserýler júrgizý júielerin damytýǵa baǵyttalady.
