كيبەرقاتەرلەرگە قارسى ٸس-قيمىلدار بويىنشا ٸس-شارالارعا 71,3 ملرد تەڭگە بٶلٸنەدٸ. بۇل تۋرالى مەجٸلٸستە «2018-2020 جىلدارعا ارنالعان رەسپۋبليكالىق بيۋدجەتتٸ ناقتىلاۋ تۋرالى» قر زاڭىنىڭ جوباسىن تانىستىرعان قر قارجى مينيسترٸ باقىت سۇلتانوۆ ايتتى, دەپ حابارلايدى قازاقپارات.
«ەلباسى بىلتىرعى جىلدىڭ جولداۋىندا نەگٸزگٸ ماقساتى تسيفرلاندىرۋ بولىپ تابىلاتىن ٷشٸنشٸ جاڭعىرۋ تۋرالى جارييالاعان بولاتىن. تسيفرلىق تەحنولوگييالاردى قولدانا وتىرىپ جاسالعان جاڭا يندۋسترييانى دامىتۋ قاجەتتٸلٸگٸن اتاپ ٶتتٸ. بۇل رەتتە, اقپاراتتىق قوعام دامۋىنىڭ ماڭىزدى شارتى كيبەرقاۋٸپسٸزدٸك بولىپ تابىلادى. كيبەرقاتەرلەرگە قارسى ٸس-قيمىلدار بويىنشا ٸس-شارالارعا 71,3 ملرد تەڭگە بٶلۋ ۇسىنىلادى», - دەدٸ مينيستر.
ونىڭ ايتۋىنشا, اتالعان قارجى, ەلٸمٸزدٸڭ تسيفرلىق اقپاراتتىق كەڭٸستٸگٸنٸڭ مەملەكەتتٸك جەنە جەكە نىساندارىنا كيبەر قاستاندىقتار مەن اقپاراتتىق شابۋىلداردى تابۋ, جولىن كەسۋ تەحنيكالىق تەكسەرۋلەر جٷرگٸزۋ جٷيەلەرٸن دامىتۋعا باعىتتالادى.
