«Biz olardy tekseretin qadaǵalaýshy organ emespiz. Eger ata-analardan nemese zańdy ókilderden balaǵa qatysty kiberbýlling jóninde ótinishter tússe, olardy ýákiletti organ qaraityn bolady», - dedi Daniiar Kádirov Senattyń jalpy otyrysynan keiin tilshilerge bergen suhbatynda.
Onyń aitýynsha, qazirgi ýaqytta ýákiletti organ – Aqparat jáne qoǵamdyq damý ministrligi bolyp otyr.
«Ministrlik janynan psihologtardy, lingvisterdi tarta otyryp, sarapshylar toby qurylady. Kez kelgen shaǵym úsh kún ishinde qaralady, kontent jaryq kórgen pablik nemese internet-resýrstyń ókiline habar jiberiledi. Osylaisha kontent 24 saǵat ishinde joiylady. Bul balalar psihikasy, munda ýaqyt ótkizýge bolmaidy, sondyqtan naqty ári jyldam sheshimder qabyldaý qajet», - dep túiindedi vitse-ministr.
Eske sala ketsek, búgin Senattyń jalpy otyrysynda «Qazaqstan Respýblikasynyń keibir zańnamalyq aktilerine balanyń quqyqtaryn qorǵaý, bilim berý, aqparat jáne aqparattandyrý máseleleri boiynsha ózgerister men tolyqtyrýlar engizý týraly» zań jobasy eki oqylymda qaraldy. Qujatqa túzetýler engizilgendikten zań jobasy Májiliske qaitaryldy.
