Foto: Instagram/sagyndyk_shabikbaev
Aqtóbe oblysynda Hromtaý qalasynyń ákimi Saǵyndyq Shabyqbaev para aldy degen kúdikpen ustalyp, tergeý aiaqtalǵanǵa deiin qamaýǵa alyndy, dep habarlaidy Aqtóbe oblystyq sotynyń baspasóz qyzmeti.
Aqtóbe oblystyq sotynyń baspasóz qyzmetiniń habarlaýynsha, Hromtaý qalasynyń ákimi Saǵyndyq Shabyqbaev QR Qylmystyq kodeksiniń "para alý" baby boiynsha kúdikke ilingen.
"Sot eki aiǵa qamaýǵa alýǵa ruqsat berdi. Basqa aqparat jariia etilmeidi", – delingen habarlamada.
40 jastaǵy Saǵyndyq Shabyqbaev ákim qyzmetine eki jyl buryn kelgen. Buǵan deiin ol ákimniń orynbasary qyzmetin atqarǵan. Eńbek jolyn 2008 jyly Áiteke bi aýdanynyń Halyqqa qyzmet kórsetý ortalyǵynda bastaǵan. 2016 jyly ákimdikte jumys istep, 2017 jyldan bastap Hromtaý aýdany ákiminiń apparatynda, al 2018 jyldan 2023 jylǵa deiin qala ákiminiń orynbasary qyzmetin atqarǵan.
