Hrapýnovtyń el qazynasynan jymqyrǵan milliondaryn jasyrýǵa Donald Tramp kómektesken. Britandyq tanymal aqparat quraldary AQSh prezidenttiginen úmitker Tramp pen qazaqstandyq alaiaq Hrapýnovtyń bailanysy bolǵan dep jarysa jazýda.
Jýrnalistik zertteý júrgizgen britandyq basylym Almatynyń eks-ákimi men Tramptyń bir-birimen hat alysqanyn anyqtap, ekeýine ortaq banktik qujattardy tapty. Sondai-aq, Hrapýnovtyń qyzy Elvira Kýdriashova milliondaǵan dollarǵa Manhettendegi Tramptyń aspanmen talasqan «Tramp Taýers» úiinen páter alǵan. Biraq, 70 jastaǵy amerikalyq biznesmen Hrapýnovtar januiasyna múlkin tikelei satpapty. Kelisim-shartpen millionerdiń qaramaǵyndaǵy kompaniialardyń biri ainalysqan. Dál osy firma Viktor Hrapýnovtyń uly Ilias Hrapýnovqa tiesili qonaq úidi qaita josparlaýǵa da qatysypty. Bul qiturqylyqtar dáleldense, Amerika prezidenti bolýdan úmiti bar Donald Trampqa da , Respýblikashyldar partiiasynyń bedeline úlken nuqsan keltiretini anyq.
Al Almatyny basqarǵan jyldary gektarlap jer telimderi men ákimshilik ǵimarattaryn satyp baiyǵan Viktor Hrapýnov bala-shaǵasymen Shveitsariiada shalqyp ómir súrip jatyr. Qazaqstanda oǵan qatysty 20 qylmystyq is qozǵalǵan. Áieli Leila men Hrapýnovtyń ózine Interpol izdeý jariialasa da, erli-zaiyptylar ustalar emes.
