Kórneki foto: pixabay.com
Kólik politseileri QR UQK shekara qyzmetimen birlesip, Qazaqstan arqyly esirtki zattaryn tasymaldaǵan Horvatiia azamatyn anyqtady, – dep habarlaidy Polisia.kz.
"Almaty – Tashkent baǵytyndaǵy jolaýshylar poiyzyn patrýldeý kezinde qyzmettik-izdestirý iti poiyz jolaýshylarynyń birine belgi berdi.
Kúdikti Horvatiia Respýblikasynyń 61 jastaǵy azamaty bolyp shyqty. Ustalǵan azamatqa jeke tintý júrgizý kezinde marihýana jáne gashish esirtki zattary tabylyp, tárkilendi" - delingen habarlamada.
Sheteldik esirtki zattaryn satyp alǵanyn jáne ony jeke paidalanýy úshin saqtaǵanyn túsindirgen.
"Atalǵan fakti boiynsha shetel azamatyna qatysty QR Qylmystyq kodeksiniń 286-babynyń 1-bóligi (Ainalystan alyp qoiylǵan zattardyń nemese ainalysy shektelgen zattardyń kontrabandasy) boiynsha sotqa deiingi tergep-tekserý bastaldy.
Sot qamaýda ustaý túrindegi bultartpaý sharasyna sanktsiia berdi. Ózge aqparattar QR QPK 201-babynyń talaptaryna sáikes tergeý múddesine orai jariia etilýge jatpaidy", – dedi kóliktegi politsiia departamentiniń bastyǵy Baqytjan Malybaev.
