Plei-offqa merziminen buryn alǵashqy bolyp shyqqandar – Óskemenniń «Torpedo» komandasynyń hokkeishileri, olardan keiin plei-offqa joldamany qaraǵandylyq «Saryarqa» jáne elordanyń «Nomad» komandasy alǵan, dep habarlaidy "Ult aqparat".
Chempionat kóshbasshysy – «Torpedo» qazirgi kezde 35 matchtyń 33-in jeńip, aktivinde 90 upaiy bar. Bul nátijesiniń arqasynda Oleg Boliakinniń qaramaǵyndaǵy sportshylar keibir qarsylastarynan áldeqaida ozyp ketken.
«Gorniak» «Temirtaýdan» jeńilgen soń, «Saryarqa» men «Nomad» komandalary chempionattyń finaldyq bóliginde ózderine oryn daiyndap qoiǵan.
Bul eki ujym týrnir kestesiniń tómengi bóligindegi komandalardy shańyna jetkizbei qoidy. Qaraǵandylyqtardyń aktivinde 27 jeńis pen 79 upai. Al «kóshpendilerdiń» qanjyǵasynda 27 jeńis pen 77 upai bar.
