Shaibaly hokkeiden 2022 jyly Finliandiiada ótetin álem chempionatynyń bileti kúzde satylymǵa túsedi. Bul týraly Halyqaralyq hokkei federatsiiasynyń (IIHF) baspasóz qyzmeti habarlaidy.
Biletter satylymǵa túsetin naqty merzim týrnirdiń jarys kestesi bekitilgen soń belgili bolmaq.
Uiymdastyrýshylar málimetinshe, birneshe oiynǵa jaraityn biletterdi satyp alý múmkindigi ulǵaiady.
Budan buryn Finliandiia quramasynyń oiyndaryna arnalǵan VIP sanatty biletter satylymy bastalǵan edi. Hokkeiden 2022 jylǵy álem chempionaty 13-29 mamyr kúnderi Finliandiianyń Helsinki jáne Tampere qalalarynda ótedi.
