«Barys» Qurlyqtyq hokkei ligasyndaǵy kezekti matchynda Cheliabi qalasynda kósh basyndaǵy komandalardyń biri «Traktormen» kúsh synasty, dep habarlaidy QazAqparat tilshisi.
Aidyn ieleri Shyǵys konferentsiiasynda 61 upaimen ekinshi orynda tursa, 40 upaiy bar «Barys» segizinshi satyda keledi.
Birinshi kezeńniń toǵyzynshy minýtynda «Traktor» sapynan Nikita Tertyshnyi esep ashty. Arada minýt óter-ótpeste «Barystyń» eki birdei oiynshysy aidynnan qýylǵanyn komanda kapitany Lýkash Sedlak múlt jibermedi – 2:0.
Ekinshi taimda 35-minýtta L.Sedlak esepti 3:0-ge jetkizdi. Úsh minýttan keiin «Barys» sapyndaǵy shvetsiialyq legioner Iakýb Berglýnd mergendik tanytty.
Úshinshi kezeń bastalysymen Anton Sagadev esepti 2:3-ke deiin qysqartyp, «Barysqa» úmit syilady. Alaida match sońynda Teemý Pýlkkinenge qonaqtardyń bos qalǵan qaqpasyn kózdeý qiyndyqqa túsken joq – 4:2.
Iýrii Mihailistiń shákirtteri kelesi kezdesýin 27 jeltoqsan kúni elordada negizgi qarsylastarynyń biri, Shyǵys konferentsiiasynda 9-oryndaǵy «Avtomobilist» (Ekaterinbýrg) komandasymen ótkizedi.
