«بارىس» قۇرلىقتىق حوككەي ليگاسىنداعى كەزەكتٸ ماتچىندا چەليابٸ قالاسىندا كٶش باسىنداعى كوماندالاردىڭ بٸرٸ «تراكتورمەن» كٷش سىناستى, دەپ حابارلايدى قازاقپارات تٸلشٸسٸ.
ايدىن يەلەرٸ شىعىس كونفەرەنتسيياسىندا 61 ۇپايمەن ەكٸنشٸ ورىندا تۇرسا, 40 ۇپايى بار «بارىس» سەگٸزٸنشٸ ساتىدا كەلەدٸ.
بٸرٸنشٸ كەزەڭنٸڭ توعىزىنشى مينۋتىندا «تراكتور» ساپىنان نيكيتا تەرتىشنىي ەسەپ اشتى. ارادا مينۋت ٶتەر-ٶتپەستە «بارىستىڭ» ەكٸ بٸردەي ويىنشىسى ايدىننان قۋىلعانىن كوماندا كاپيتانى لۋكاش سەدلاك مٷلت جٸبەرمەدٸ – 2:0.
ەكٸنشٸ تايمدا 35-مينۋتتا ل.سەدلاك ەسەپتٸ 3:0-گە جەتكٸزدٸ. ٷش مينۋتتان كەيٸن «بارىس» ساپىنداعى شۆەتسييالىق لەگيونەر ياكۋب بەرگلۋند مەرگەندٸك تانىتتى.
ٷشٸنشٸ كەزەڭ باستالىسىمەن انتون ساگادەۆ ەسەپتٸ 2:3-كە دەيٸن قىسقارتىپ, «بارىسقا» ٷمٸت سىيلادى. الايدا ماتچ سوڭىندا تەەمۋ پۋلككينەنگە قوناقتاردىڭ بوس قالعان قاقپاسىن كٶزدەۋ قيىندىققا تٷسكەن جوق – 4:2.
يۋريي ميحايليستٸڭ شەكٸرتتەرٸ كەلەسٸ كەزدەسۋٸن 27 جەلتوقسان كٷنٸ ەلوردادا نەگٸزگٸ قارسىلاستارىنىڭ بٸرٸ, شىعىس كونفەرەنتسيياسىندا 9-ورىنداعى «اۆتوموبيليست» (ەكاتەرينبۋرگ) كومانداسىمەن ٶتكٸزەدٸ.
