Qurlyqtyq hokkei ligasy aiasynda elordalyq «Barys» 27 aqpanda Reseide «Avangard» (Omby) komandasymen kezdesti, dep habarlaidy "Ult aqparat".
Eki komanda arasyndaǵy sońǵy tórt oiynnyń úsheýinde qazaqstandyq klýbtyń mereii ústem boldy.
«Barys» týrnir kestesinde 59 oiynnan keiin 69 upaimen 11-orynda keledi. Al «Avangard» 59 oiynnan keiin 82 upai jinap, 4-orynda tur.
Komandalar plei-off kezeńine shyǵý múmkindigine qol jetkizip qoiǵan bolatyn. Soǵan qaramastan búgingi oiyn tartysty ótti.
Esepti 2-minýtta «Barys» oiynshysy Kirill Paniýkov ashty. Al 16-minýtta «Avangard» sapynan Ilia Kovalchýk tarazy basyn teńestirdi.
Ekinshi kezeńniń 21-minýtynda reseilik hokkeishi Sergei Tolchinskii «Avangardty» alǵa shyǵardy. Al 41-minýtta «Barys» hokkeishisi Darren Dits kózdegen nysanadan múlt ketken joq. Sergei Tolchinskii 42-minýtta qaitadan reseilik klýbtyń basymdyǵyn arttyrsa, Denis Zernov esepti ústemelei tústi. Al 59-minýtta Sergei Chinakov qorytyndy esepti belgiledi. Kezdesýde «Barys» qarsylasynan 2:5 esebimen jeńilip qaldy.
Esterińizge sala ketelik, budan buryn «Barys» Qytaidyń «Kýnlýn Red Star» komandasynan basym tústi.
Búgin qurlyqtyq hokkei ligasy turaqty kezeńinde komandalar sońǵy týr oiyndaryn ótkizedi. Plei-off kezeńi 2 naýryzda bastalady. Final -30 sáýirde.
