Qurlyqtyq hokkei ligasynyń plei-off satysynda elordalyq «Barys» búgin Reseide «Metallýrg» (Magnitogorsk) komandasymen besinshi oiynyn ótkizdi, dep habarlaidy "Ult aqparat".
Búgingi kezdesýde reseilik komandanyń basymdyǵy baiqalyp turdy. Alǵashqy minýttan oiyn tizginin qolyna alýǵa tyrysty. Nátijesinde «Metallýrg» sapynan Sergei Moziakin 2, Nikolai Prohorkin 15, Nikolai Goldobin 27-minýttarda mergendik tanytty.
Oǵan 30-minýtta «Barys» hokkeishisi Kiortis Valk bir shaibamen jaýap berdi. Budan keiin qazaqstandyq komanda qaqpasyna eki gol jiberip aldy. Ony reseilik klýb sapynan Teilor Bek 35, Dennis Rasmýssen 36-minýttarda ózderiniń enshisine jazdy.
Kezdesýde «Barys» qarsylasyna 1:5 esebimen ese jiberdi. Osylaisha reseilik klýb oiyndar seriiasynda 3:2 esebimen alǵa shyqty.
Jarys talaby boiynsha plei-off kezeńiniń shirek finalynda eki komandanyń bireýiniń tórt jeńisine deiin sozylady. Aldaǵy eki kezdesýde bir komanda jeńister sanyn tórteýge jetkizse, jarystyń kelesi satysyna shyǵýyna múmkindik alady.
Endi eki komanda 12 naýryzda elordada taǵy bir oiyn ótkizedi. Bul kezdesýde «Barys» jeńiske jetken jaǵdaida oiyndar seriiasynda esep teńesedi. Bul juptaǵy jeńimpazdy anyqtaý maqsatynda 14 naýryzda komandalar taǵy bir márte sheberlik baiqasady.
