قۇرلىقتىق حوككەي ليگاسىنىڭ پلەي-وفف ساتىسىندا ەلوردالىق «بارىس» بٷگٸن رەسەيدە «مەتاللۋرگ» (ماگنيتوگورسك) كومانداسىمەن بەسٸنشٸ ويىنىن ٶتكٸزدٸ, دەپ حابارلايدى "ۇلت اقپارات".
بٷگٸنگٸ كەزدەسۋدە رەسەيلٸك كوماندانىڭ باسىمدىعى بايقالىپ تۇردى. العاشقى مينۋتتان ويىن تٸزگٸنٸن قولىنا الۋعا تىرىستى. نەتيجەسٸندە «مەتاللۋرگ» ساپىنان سەرگەي موزياكين 2, نيكولاي پروحوركين 15, نيكولاي گولدوبين 27-مينۋتتاردا مەرگەندٸك تانىتتى.
وعان 30-مينۋتتا «بارىس» حوككەيشٸسٸ كيورتيس ۆالك بٸر شايبامەن جاۋاپ بەردٸ. بۇدان كەيٸن قازاقستاندىق كوماندا قاقپاسىنا ەكٸ گول جٸبەرٸپ الدى. ونى رەسەيلٸك كلۋب ساپىنان تەيلور بەك 35, دەننيس راسمۋسسەن 36-مينۋتتاردا ٶزدەرٸنٸڭ ەنشٸسٸنە جازدى.
كەزدەسۋدە «بارىس» قارسىلاسىنا 1:5 ەسەبٸمەن ەسە جٸبەردٸ. وسىلايشا رەسەيلٸك كلۋب ويىندار سەريياسىندا 3:2 ەسەبٸمەن العا شىقتى.
جارىس تالابى بويىنشا پلەي-وفف كەزەڭٸنٸڭ شيرەك فينالىندا ەكٸ كوماندانىڭ بٸرەۋٸنٸڭ تٶرت جەڭٸسٸنە دەيٸن سوزىلادى. الداعى ەكٸ كەزدەسۋدە بٸر كوماندا جەڭٸستەر سانىن تٶرتەۋگە جەتكٸزسە, جارىستىڭ كەلەسٸ ساتىسىنا شىعۋىنا مٷمكٸندٸك الادى.
ەندٸ ەكٸ كوماندا 12 ناۋرىزدا ەلوردادا تاعى بٸر ويىن ٶتكٸزەدٸ. بۇل كەزدەسۋدە «بارىس» جەڭٸسكە جەتكەن جاعدايدا ويىندار سەريياسىندا ەسەپ تەڭەسەدٸ. بۇل جۇپتاعى جەڭٸمپازدى انىقتاۋ ماقساتىندا 14 ناۋرىزدا كوماندالار تاعى بٸر مەرتە شەبەرلٸك بايقاسادى.
