«Barys» klýby Qurlyqtyq hokkei ligasynyń kezekti týrynda Máskeýdiń «Spartagyn» qabyldady, dep habarlaidy "Ult aqparat".
Osynyń aldynda qatarynan besinshi ret jeńilgen elordalyq komandanyń jaǵdaiy máz emes-ti.
Týrnir kestesinde 25 upaimen jalpy esepte 19-ynshy, al Shyǵys konferentsiiasynda 10-orynda turǵan edi. Plei-off dodasyna qatysýǵa múmkindik beretin úzdik segizdikke iligý biyl «Barysqa» ońaiǵa túspeitin túri bar.
Al 34 upai jinaǵan «Spartak» jalpy esepte 12-inshi, Batys konferentsiiasynda 6-satyda turǵan bolatyn.
«Spartakpen» oiynda birinshi kezeńde Kiortis Valk 13-minýtta esep ashty. Ekinshi kezeńde de osy úshtik kózge túsip, K.Valk, Linýs Videll qatysqan ádemi kombinatsiiadan keiin Iakob Lilia esepti 2:0-ge jetkizdi.
Oiyn barysynda elordalyq hokkeishiler jiirek tártip buzǵanymen, ony máskeýlikter paidalana almady.
Úshinshi kezeńde 55-minýtta qonaqtardan Iori Lehterianyń pasynan keiin Sergei Shirokov esepti qysqartty.
Osylaisha «Barys» 2:1 esebimen jeńiske jetti.
Kelesi týrda Iýrii Mihailistiń shákirtteri 1 jeltoqsan kúni óz aidynynda «Sochi» klýbyn qabyldaidy.
