Qurlyqtyq hokkei ligasynyń kezekti matchynda elordalyq «Barys» Qazan qalasynda «Ak Bars» komandasymen kúsh synasady, dep habarlaidy QazAqparat.

Aidyn ieleri Shyǵys konferentsiiasynda 53 upaimen tórtinshi orynda tursa, 40 upaiy bar «Barys» jetinshi satyda keledi. 

Ótken týrda «Ak Bars» Qazanda Cheliabiniń «Traktoryn» 5:1 esebimen súrindirse, elordalyqtar Ekaterinbýrgte óziniń negizgi qarsylastarynyń biri «Avtomobilisti» utqan edi (2:0). 

Biylǵy maýsymda qos komandanyń bir-aq ret joldary toqailasty. Qazaqstan astanasynda 10 qazanda «Ak Bars» elordalyq klýbty 6:3 esebimen jeńip ketti. 

Ár konferentsiiadan alǵashqy segiz komanda plei-off básekesine joldama alatyndyqtan, Iýrii Mihailis shákirtteri úshin bul kezdesý de mańyzdy bolmaq. 

«Ak Bars» – «Barys» matchy Nur-Sultan ýaqytymen saǵat 22.30-da bastalyp, «Qazsport» telearnasynan tikelei efirde kórsetiledi.