قۇرلىقتىق حوككەي ليگاسىنىڭ كەزەكتٸ ماتچىندا ەلوردالىق «بارىس» قازان قالاسىندا «اك بارس» كومانداسىمەن كٷش سىناسادى, دەپ حابارلايدى قازاقپارات.

ايدىن يەلەرٸ شىعىس كونفەرەنتسيياسىندا 53 ۇپايمەن تٶرتٸنشٸ ورىندا تۇرسا, 40 ۇپايى بار «بارىس» جەتٸنشٸ ساتىدا كەلەدٸ. 

ٶتكەن تۋردا «اك بارس» قازاندا چەليابٸنٸڭ «تراكتورىن» 5:1 ەسەبٸمەن سٷرٸندٸرسە, ەلوردالىقتار ەكاتەرينبۋرگتە ٶزٸنٸڭ نەگٸزگٸ قارسىلاستارىنىڭ بٸرٸ «اۆتوموبيليستٸ» ۇتقان ەدٸ (2:0). 

بيىلعى ماۋسىمدا قوس كوماندانىڭ بٸر-اق رەت جولدارى توقايلاستى. قازاقستان استاناسىندا 10 قازاندا «اك بارس» ەلوردالىق كلۋبتى 6:3 ەسەبٸمەن جەڭٸپ كەتتٸ. 

ەر كونفەرەنتسييادان العاشقى سەگٸز كوماندا پلەي-وفف بەسەكەسٸنە جولداما الاتىندىقتان, يۋريي ميحايليس شەكٸرتتەرٸ ٷشٸن بۇل كەزدەسۋ دە ماڭىزدى بولماق. 

«اك بارس» – «بارىس» ماتچى نۇر-سۇلتان ۋاقىتىمەن ساعات 22.30-دا باستالىپ, «Qazsport» تەلەارناسىنان تٸكەلەي ەفيردە كٶرسەتٸلەدٸ.