Tokio Olimpiadasy oiyndaryn 2021 jyly aýystyrý Halyqaralyq olimpiada komitetin (HOK) birneshe million dollar shyǵynǵa ushyratýy múmkin. Bul týraly HOK prezidenti Tomas Bah málim etti, dep habarlaidy nemistiń Frankfurter Allgemeine Zeitung basylymy.
Tokiodaǵy Olimpiada oiyny 2020 jyly 24 shildeden bastap 9 tamyz aralyǵynda ótýi tiis bolatyn. Biraq koronavirýs pandemiiasy saldarynan bir jylǵa, iaǵni 2021 jylǵy 23 shilde - 8 tamyz aralyǵyna aýystyryldy.
«Aýystyrý qunyn áli de esepteý qajet. HOK birneshe júz million dollardy quraityn qosymsha shyǵyndarǵa ushyraityndyǵyn qazirdiń ózinde aq aitýǵa bolady»,- dedi Bah.
HOK aýqymdy qarjy shyǵyndaryna ushyramaýy úshin Olimpiada-2020 aýystyrýǵa uzaq ýaqyt kelisim bermegen bolatyn. Eń aýyr shyǵynǵa batyp otyrǵan Japoniia, bul el búgingi kúni shamamen 12 mlrd dollardan astam qarjy jumsap úlgerdi.
Sarapshylardyń baǵalaýynsha, Oiyndardy keiinge shegerý jarnama berýshilerge de ońai túspei otyr, olar shamamen 1 mlrd dollardan aiyrylýy múmkin. Buǵan qosa ulttyq olimpiada komitetteriniń jáne oiynǵa qatysatyn elderdiń áli eseptelmegen shyǵyndary da bar.
