Halyqaralyq olimpiada komiteti (HOK) Korei halyq demokratiialyq respýblikasyn Ulttyq olimpiada komitetin 2022 jyldyń sońyna deiin shetetti, dedi HOK basshysy Tomas Bah. Bul týraly QazAqparat Sports.kz-ke silteme jasap habarlaidy.
KHDR 23 shildeden 8 tamyzǵa deiin ótken Tokiodaǵy Olimpiadaǵa qatysqan joq.
«Tek KHDR Oiyndarǵa qatyspady. Olar hartiiany buzyp, óz mindetterin oryndamady. Biz KHDR-di 2022 jyldyń sońyna deiin shetettý jóninde sheshim qabyldadyq. HOK shettetý merzimin qaita qaraý quqyǵyna ie», - dedi Tomas Bah YouTube arqyly tikelei efirden kórsetilgen baspasóz máslihatynda.
«KHDR UOK shettetilý kezinde HOK baǵdarlamasyn júzege asyrýǵa nemese onyń qoldaýyna ie bola almaidy. Eger KHDR sportshylary Beijińdegi Olimpiada oiyndaryna irikteýden ótken jaǵdaida, HOK atqarý komiteti ýaqyt óte kele osy atletterge qatysty sáikes sheshim qabyldaidy», - dedi ol.
Beijińdegi qysqy Olimpiada oiyndary 2022 jyldyń 4-20 aqpany aralyǵynda ótedi.
Eske salaiyq, Qytaidaǵy qysqy Olimpiadaǵa Qazaqstan quramasy da qatysady.
