حالىقارالىق وليمپيادا كوميتەتٸ (حوك) كورەي حالىق دەموكراتييالىق رەسپۋبليكاسىن ۇلتتىق وليمپيادا كوميتەتٸن 2022 جىلدىڭ سوڭىنا دەيٸن شەتەتتٸ, دەدٸ حوك باسشىسى توماس باح. بۇل تۋرالى قازاقپارات Sports.kz-كە سٸلتەمە جاساپ حابارلايدى.
كحدر 23 شٸلدەدەن 8 تامىزعا دەيٸن ٶتكەن توكيوداعى وليمپياداعا قاتىسقان جوق.
«تەك كحدر ويىندارعا قاتىسپادى. ولار حارتييانى بۇزىپ, ٶز مٸندەتتەرٸن ورىندامادى. بٸز كحدر-دٸ 2022 جىلدىڭ سوڭىنا دەيٸن شەتەتتۋ جٶنٸندە شەشٸم قابىلدادىق. حوك شەتتەتۋ مەرزٸمٸن قايتا قاراۋ قۇقىعىنا يە», - دەدٸ توماس باح YouTube ارقىلى تٸكەلەي ەفيردەن كٶرسەتٸلگەن باسپاسٶز مەسليحاتىندا.
«كحدر ۇوك شەتتەتٸلۋ كەزٸندە حوك باعدارلاماسىن جٷزەگە اسىرۋعا نەمەسە ونىڭ قولداۋىنا يە بولا المايدى. ەگەر كحدر سپورتشىلارى بەيجٸڭدەگٸ وليمپيادا ويىندارىنا ٸرٸكتەۋدەن ٶتكەن جاعدايدا, حوك اتقارۋ كوميتەتٸ ۋاقىت ٶتە كەلە وسى اتلەتتەرگە قاتىستى سەيكەس شەشٸم قابىلدايدى», - دەدٸ ول.
بەيجٸڭدەگٸ قىسقى وليمپيادا ويىندارى 2022 جىلدىڭ 4-20 اقپانى ارالىعىندا ٶتەدٸ.
ەسكە سالايىق, قىتايداعى قىسقى وليمپياداعا قازاقستان قۇراماسى دا قاتىسادى.
