Halyqaralaq Olimpiada komitetin (HOK) 2020 jyly Tokioda ótetin Olimpiada oiyndarynyń baǵdarlamasynan áýesqoi boksty alyp tastaýy múmkin. Mundai sheshimdi HOK otyrysynan keiin komitettiń prezidenti Tomas Bah aitty. Bul týraly Vesti.kz portaly habarlady.
"Boks 2020 jylǵy Olimpiada oiyndarynyń baǵdarlamasyna enbeýi múmkin. Biz áli de boksty 2020 jylǵy jastar arasyndaǵy Olimpiada oiyndary men Tokiodaǵy Olimpiada oiyndarynyń baǵdarlamasynan alyp tastaý týraly máseleni qarastyramyz", – dep keltiredi Bahtyń sózin "R-Sport" portaly.
Sonymen qatar, Bah Halyqaralyq boks assotsiiasynda (AIBA) problema kóp ekenin aitty. Naqtyraq aitsaq, basty másele – Olimpiada oiyndaryndaǵy tóreshiler. Onyń aitýynsha, 2016 jyly Rioda ótken Olimpiadada eki jekpe-jek kúmán keltiredi eken.
Onyń biri reseilik Evgenii Tishenko finalda qazaqstandyq Vasilii Levitti jeńgen kezdesý bolsa, ekinshisi taǵy bir reseilik boksshy Vladimir Nikitin men irlandiialyq Maikl Konlan arasyndaǵy kezdesý.
"Biz AIBA ádildigine ýaiymdap otyrmyz. Biz HOK-tyń etika jónindegi basshysynan esep aldyq. Sondai-aq uiymnyń sporttyq direktorynyń da esebin kórdik. Onyń qorytyndysy boiynsha, jeltoqsan aiynda AIBA-ny qarjylandyrýdy ýaqytsha toqtatý degen sheshimdi kúshinde qaldyratyn bolyp sheshtik.
MOK-tyń atqarýshy komiteti AIBA-nyń basqarmasy, qarjysy, tóreshileri jáne dopingke qarsy kúresine kóńilderi tolmaidy. Sol úshin de MOK boksty Býenos-Aireste ótetin jastar arasyndaǵy Olimpiadadan jáne 2020 jyly Tokioda ótetin Olimpiada oiyndaryna qatystyrmaý týraly sheshim qabyldaýǵa tolyq múmkindigi bar.
Buǵan deiin AIBA bizge kúmán keltirgen jekpe-jekter týraly esep bergen bolatyn. Jeltoqsan aiynda shyǵarǵan sheshimniń basty sebebi – tóreshiler bolyp edi. Sondyqtan biz kóbirek aqparat alý úshin kóbirek aqparat berýdi suradyq. Olimpiadada tirkelgen nátijelerdiń barlyǵy da shyn ekenine kózimizdi jetkizgimiz keledi", – dep keltiredi Bahtyń sózin "SE" basylymy insidethegames.biz portalyna silteme jasap.
Eske salaiyq, 2016 jylǵy Olimpiada oiyndarynyń finalynda Levit tóreshilerdiń bir aýyzdan shyǵarǵan sheshimi boiynsha Tishenkodan jeńilgen edi. Biraq jekpe-jekten keiin jankúierler tóreshilerdiń sheshimine narazylyǵyn bildirdi.
Ótken jyldyń sońynda Halyqaralyq áýesqoi boks federatsiiasynyń (AIBA) prezidenttik qyzmetin 11 jyl atqaryp kelgen Ching-Kýo Vý qyzmetinen bosatyldy. Oǵan sebep paraqorlyq jáne uiym ókilderiniń tarapynan taǵylǵan birneshe aiyp boldy. Qazirgi ýaqytta AIBA prezidenti qyzmetin ýaqytsha Ortalyq barlaý biýrosynyń baqylaýynda júrgen ózbekstandyq azamat Gafýr Rahimov atqaryp jatyr.
HOK áýesqoi boksty Olimpiada baǵdarlamasynan alyp tastaýy múmkin
