Halyqaralyq olimpiada komiteti AIBA prezidentiniń mindetin atqarýshy Gafýr Rahimovtiń Býenos-Aireste ótetin Jasóspirimder Olimpiadasy oiyndaryna barýyna tyiym saldy, dep habarlaidy «SPORTINFORM» SAA.
HOK Bas direktory Kristof de Kepper AIBA-ǵa múshe 203 ulttyq federatsiianyń barlyǵyna hat jiberip, Rahimovtyń osy Olimpiadaǵa akkreditatsiiadan ótpeitinin málimdegen.
Buryn batys buqaralyq aqparat quraldarynda HOK Halyqaralyq boks qaýymdastyǵynyń aldyna Gafýr Rahimov AIBA basshysy laýazymynda qalatyndai bolsa, boks 2020 jylǵy Olimpiadanyń baǵdarlamasynan alyp tastalýy múmkin ekeni jóninde ýltimatým qoiǵany týraly aitylǵan bolatyn.
Rahimov uiymdasqan qylmysqa qatysy bar degen kúdikke iligip, AQSh Qarjy ministrligi oǵan sanktsiia jariialaǵan.
Gafýr Rahimov AIBA prezidenti bolýǵa jalǵyz kandidat bolyp otyr. Uiymnyń 3 qarashada Máskeýde ótetin Kongresinde onyń Halyqaralyq boks qaýymdastyǵynyń basshysy laýazymyna resmi túrde kirisýi josparlanǵan.
