حالىقارالىق وليمپيادا كوميتەتٸ ايبا پرەزيدەنتٸنٸڭ مٸندەتٸن اتقارۋشى گافۋر راحيموۆتٸڭ بۋەنوس-ايرەستە ٶتەتٸن جاسٶسپٸرٸمدەر وليمپياداسى ويىندارىنا بارۋىنا تىيىم سالدى, دەپ حابارلايدى «SPORTINFORM» ساا.
حوك باس ديرەكتورى كريستوف دە كەپپەر ايبا-عا مٷشە 203 ۇلتتىق فەدەراتسييانىڭ بارلىعىنا حات جٸبەرٸپ, راحيموۆتىڭ وسى وليمپياداعا اككرەديتاتسييادان ٶتپەيتٸنٸن مەلٸمدەگەن.
بۇرىن باتىس بۇقارالىق اقپارات قۇرالدارىندا حوك حالىقارالىق بوكس قاۋىمداستىعىنىڭ الدىنا گافۋر راحيموۆ ايبا باسشىسى لاۋازىمىندا قالاتىنداي بولسا, بوكس 2020 جىلعى وليمپيادانىڭ باعدارلاماسىنان الىپ تاستالۋى مٷمكٸن ەكەنٸ جٶنٸندە ۋلتيماتۋم قويعانى تۋرالى ايتىلعان بولاتىن.
راحيموۆ ۇيىمداسقان قىلمىسقا قاتىسى بار دەگەن كٷدٸككە ٸلٸگٸپ, اقش قارجى مينيسترلٸگٸ وعان سانكتسييا جارييالاعان.
گافۋر راحيموۆ ايبا پرەزيدەنتٸ بولۋعا جالعىز كانديدات بولىپ وتىر. ۇيىمنىڭ 3 قاراشادا مەسكەۋدە ٶتەتٸن كونگرەسٸندە ونىڭ حالىقارالىق بوكس قاۋىمداستىعىنىڭ باسشىسى لاۋازىمىنا رەسمي تٷردە كٸرٸسۋٸ جوسپارلانعان.
