Memlekettik qyzmettiń 80 paiyzdan astamyn egov.kz portalynan alýǵa bolady. Bul týraly «Habar 24» telearnasynyń tikelei efirinen QR Aqparat jáne qoǵamdyq damý ministri Dáýren Abaev aitty, dep habarlaidy QazAqparat.
«Prezidenttiń tapsyrmasymen Qazaqstannyń barlyq qalalarynda halyqqa qyzmet kórsetý ortalyqtary jabyldy. Alaida, memlekettik qyzmettiń 80 paiyzdan astamyn egov.kz portalynan alýǵa bolady. Sondai-aq, birqatar qyzmetter men servister mobildi qosymshada, Telegram men áleýmettik jelilerde qoljetimdi. Jaqyn arada onlain-qyzmetter sany artady», - dedi ol.
Ministrdiń aitýynsha, munan bólek, 1414 bailanys ortalyǵy jumys isteidi. Ol arqyly bir ýaqytta myńnan astam adam keńes ala alady. Keńes berý beine bailanys arqyly da qoljetimdi
«Sonymen birge, 21 naýryzǵa deiin qujat tapsyrǵan azamattar qujattaryn sol tapsyrǵan ortalyqtan 28 naýryzǵa deiin ala alady. Odan keiin, ár qalada bir ǵana ortalyq anyqtalyp, qujattar sol jerden beriledi. Arnaiy ortalyqtar da óz qyzmetterin onlain rejimde jasaidy. Qujattar qolma-qol beriledi», - dedi Dáýren Abaev.
