Karantin kezinde 4 myńnan astam qostanailyqqa halyqqa qyzmet kórsetý ortalyǵynyń jeńildik terezesi arqyly memlekettik qyzmet kórsetildi, dep habarlaidy "Ult aqparat".
Qostanai oblysy ákimdiginiń janyndaǵy Tótenshe jaǵdai tártibin qamtamasyz etý jónindegi shtab sheshimimen aimaq HQKO-larynda «jeńildik terezesi» jumys istei bastaǵan-dy. Bul zeinetkerler, múgedekter men kóp balaly otbasylar úshin uiymdastyrylǵan. «Jeńildik terezesine» mindetti túrde onlain túrde kezekke turasyz, ýaqytyn aldyn ala brondaý qajet.
«Tótenshe jaǵdai rejimi kezinde Halyqqa qyzmet kórsetý ortalyǵy jumystyń jańa formatyna kóshti. Qazirgi kúni memlekettik qyzmetterdiń 80 paiyzy elektrondy túrde qoljetimdi. Azamattardyń úsh sanaty (zeinetkerler, kópbalaly otbasylar men múgedekter) burynǵydai HQKO-da elektrondyq qyzmetterdi ala alady. Ár front-ofiste olar úshin «jeńildik terezeleri» uiymdastyrylǵan. Qazir bul qyzmetke suranys artqan. Jeńildik terezesine onlain túrde kezek ýaqytyn aldyn ala brondaý egov.kz portaly, nemese 1414 bailanys ortalyǵy arqyly iske asady. Brondaý servisiniń qyzmeti jetildirilgen. Kóp ýaqytty almaidy», delingen «Azamattarǵa arnalǵan úkimet» MK baspasóz habarlamasynda.
Jalpy, karantin shekteýleri aiasynda jumysyn qaita bastaǵan HQKO-lardaǵy jeńildik terezesi arqyly 102 myń qazaqstandyqqa qyzmet kórsetilgen.
