كارانتين كەزٸندە 4 مىڭنان استام قوستانايلىققا حالىققا قىزمەت كٶرسەتۋ ورتالىعىنىڭ جەڭٸلدٸك تەرەزەسٸ ارقىلى مەملەكەتتٸك قىزمەت كٶرسەتٸلدٸ, دەپ حابارلايدى "ۇلت اقپارات".
قوستاناي وبلىسى ەكٸمدٸگٸنٸڭ جانىنداعى تٶتەنشە جاعداي تەرتٸبٸن قامتاماسىز ەتۋ جٶنٸندەگٸ شتاب شەشٸمٸمەن ايماق حقكو-لارىندا «جەڭٸلدٸك تەرەزەسٸ» جۇمىس ٸستەي باستاعان-دى. بۇل زەينەتكەرلەر, مٷگەدەكتەر مەن كٶپ بالالى وتباسىلار ٷشٸن ۇيىمداستىرىلعان. «جەڭٸلدٸك تەرەزەسٸنە» مٸندەتتٸ تٷردە ونلاين تٷردە كەزەككە تۇراسىز, ۋاقىتىن الدىن الا برونداۋ قاجەت.
«تٶتەنشە جاعداي رەجيمٸ كەزٸندە حالىققا قىزمەت كٶرسەتۋ ورتالىعى جۇمىستىڭ جاڭا فورماتىنا كٶشتٸ. قازٸرگٸ كٷنٸ مەملەكەتتٸك قىزمەتتەردٸڭ 80 پايىزى ەلەكتروندى تٷردە قولجەتٸمدٸ. ازاماتتاردىڭ ٷش ساناتى (زەينەتكەرلەر, كٶپبالالى وتباسىلار مەن مٷگەدەكتەر) بۇرىنعىداي حقكو-دا ەلەكتروندىق قىزمەتتەردٸ الا الادى. ەر فرونت-وفيستە ولار ٷشٸن «جەڭٸلدٸك تەرەزەلەرٸ» ۇيىمداستىرىلعان. قازٸر بۇل قىزمەتكە سۇرانىس ارتقان. جەڭٸلدٸك تەرەزەسٸنە ونلاين تٷردە كەزەك ۋاقىتىن الدىن الا برونداۋ egov.kz پورتالى, نەمەسە 1414 بايلانىس ورتالىعى ارقىلى ٸسكە اسادى. برونداۋ سەرۆيسٸنٸڭ قىزمەتٸ جەتٸلدٸرٸلگەن. كٶپ ۋاقىتتى المايدى», دەلٸنگەن «ازاماتتارعا ارنالعان ٷكٸمەت» مك باسپاسٶز حابارلاماسىندا.
جالپى, كارانتين شەكتەۋلەرٸ اياسىندا جۇمىسىن قايتا باستاعان حقكو-لارداعى جەڭٸلدٸك تەرەزەسٸ ارقىلى 102 مىڭ قازاقستاندىققا قىزمەت كٶرسەتٸلگەن.
