Endi eGovMobile qosymshasy arqyly halyqqa qyzmet kórsetý ortalyqtary men mamandandyrylǵan HQKO-daǵy kezekke tapsyrys berip nemese qaita brondaýǵa bolady. Ol úshin Azamattar qyzmetti paidalaný úshin «Arnaiy qyzmetter» bólimindegi «Kezekti onlain brondaýdy» fýnktsiiasyn tańdaýy qajet, - dep habarlaidy «Ult aqparat».
Bul qosymsha arqyly tutynýshy ózine jaqyn ornalasqan HQKO men yńǵaily ýaqytty tańdai alady.
«Biz paidalanýshylardyń kompiýterge árdaiym kirýge múmkindigi bolmaitynyn jáne qosymsha arqyly kezekke turý yńǵaily jáne jyldam ekenin túsinip, qyzmetti qosymshaǵa shyǵarý týraly sheshim qabyldadyq. Sondai-aq, qosymshada birneshe qyzmetti tańdaý múmkindigi qarastyrylǵan. Iaǵni, qazaqstandyqtar bir ret brondaý arqyly úsh qyzmetke deiin ala alady. Ol úshin «Birneshe qyzmetter berý» tarmaǵyn belgileý qajet. Sodan keiin oǵan kóp ýaqyt bólinedi», - dedi «Ulttyq aqparattyq tehnologiialar» AQ basqarma tóraǵasy Áset Turysov.
Osylaisha Halyqqa qyzmet kórsetý ortalyqtary halyqtyń qaltasynda júretin múmkindik týyp otyr. Endi qazaqstandyqtar atalmysh mekemelerge bairmai-aq memlekettik qyzmetterdi mobildi qosymsha arqyly ala alady.
Jáne atalǵan qosymsha arqyly azamattar «Mindetti áleýmettik saqtandyrý júiesine qatysýshyǵa áleýmettik aýdarymdardyń jaǵdaiy men qozǵalysy týraly aqparat berý» jańa qyzmetin paidalana alady. Osy arqyly ózderiniń áleýmettik eseptemelerin tekserýge múmkindik bar. Al anyqtamany birneshe minýt ishinde alýǵa bolady.
Sonymen birge, «Quqyqtyq kómek» bóliminde «Qazaqstan Respýblikasy ishki ister ministrliginiń Arnaiy memlekettik muraǵatynan muraǵattyq anyqtamalardy nemese muraǵattyq qujattardyń kóshirmelerin alý» qyzmeti de qoljetimdi bolyp otyr.
Turysovtyń aitýynsha, bul qosymshada elektrondyq úkimettiń suranysqa ie 70-ten astam qyzmeti men tsifrlyq qujattardyń 6 túri iske asyrylady.
Statistikaǵa súiensek, búginde 1 mln 400 myńnan astam adam moblildi úkimetti paidalanady. Mundai jumystar budan ári jaslǵasa berse, aldaǵy ýaqytta azamattardyń halyqqa qyzmet kórsetý ortalyqtaryna barýdyń qajeti de bolmaidy. Iaǵni, Halyqqa qyzmet kórsetý ortalyqtary halyqtyń qaltasyna júredi degen sóz.
Esterińizge sala keteiik, Endi eGovMobile qosymshasy arqyly halyqqa qyzmet kórsetý ortalyqtary men mamandandyrylǵan HQKO-daǵy kezekke tapsyrys berip nemese qaita brondaýǵa bolady. Ol úshin Azamattar qyzmetti paidalaný úshin «Arnaiy qyzmetter» bólimindegi «Kezekti onlain brondaýdy» fýnktsiiasyn tańdaýy qajet. Bul qosymsha arqyly tutynýshy ózine jaqyn ornalasqan HQKO men yńǵaily ýaqytty tańdai alady.
