Foto: Ashyq derekkóz
Jambyldyq politseiler Jambyl, Túrkistan oblystary, Almaty jáne Shymkent qalalarynyń turǵyndarynan turatyn qylmystyq topty ustady, dep habarlady "Ult aqparat" Jambyl oblystyq prokýratýrasyna silteme jasap.
Kúdiktiler aqshalai syiaqyǵa júrgizýshi kýálikterin uzaq ýaqyt boiy zańsyz berip kelgen.
Jambyldyq politseiler Jambyl, Túrkistan oblystary, Almaty jáne Shymkent qalalarynyń turǵyndarynan turatyn qylmystyq topty ustady.
Memlekettik korporatsiia qyzmetkerleri júrgizýshilerge kýálikterdi emtihansyz zańsyz berdi degen kúdikke ilindi.
Politsiia júrgizýshi kýáligin satýdyń 35 faktisin anyqtady.
"Qylmystyq shemaǵa HQKO qyzmetkerleri jáne Jambyl, Túrkistan oblystary, Almaty jáne Shymkent qalalarynyń júrgizýshi kýáligin alǵysy keletin klientterdi izdeýmen ainalysqan "kómekshiler" kirgen. Qujattar Taraz qalasynyń halyqqa qyzmet kórsetý ortalyqtarynda resimdelip, berilgen", - deidi vedomstvo.
12 aqpanda kúdiktiler jumys oryndary men turǵylyqty jerlerinde quryqtaldy. Onyń ishinde halyqqa qyzmet kórsetý ortalyqtarynyń basshylary men laýazymdy adamdary bar.
"Tergeý júrip jatyr. Qazirgi ýaqytta júrgizýshi kýáligin zańsyz berýdiń 35 deregi anyqtalyp, qylmystyq shemany uiymdastyrýshylar men oryndaýshylar ýaqytsha ustaý izoliatoryna qamaldy", - deidi PD baspasóz qyzmeti.
