- Búgin QR Prezidenti Nursultan Nazarbaevqa Hirosima qalasynyń «Airyqsha qurmetti azamaty» ataǵy saltanatty jaǵdaida tabys etildi, dep habarlaidy QazAqparattyń arnaýly tilshisi Hirosimadan.
1963 jyldan beri Hirosimanyń tikelei qatysýymen halyqaralyq yntymaqtastyqty damytýǵa zor úles qosqan qalanyń kórnekti sheteldik qonaqtaryna «Airyqsha qurmetti azamat» ataǵy berilip keledi. Atalǵan ataqqa ie bolǵan 36 adamnyń ishinde BUU Bas hatshysy Pan Gi Mýn, sonymen qatar baýyrlas qalalardyń merleri, Hirosima qalasynda iri halyqaralyq jarystar ótkizgen túrli sport federatsiialarynyń basshylary bar.
Búgingi kúnge deiin shetel memleketteriniń basshylary men Úkimet basshylary bul nagradany alǵan emes.
Halyq sany 1,1 mln adamnan asatyn Hirosima qalasy Japoniianyń Honsiý aralynyń batysynda ornalasqan. Hirosima prefektýrasynyń ákimshilik ortalyǵy sanalady. 1980 jyldan beri Hirosima Japoniianyń memlekettik mańyzy bar qalalarynyń tizimine engizilgen. Bul qala álemge 1945 jyldyń tamyzynda iadrolyq bombalaýǵa ushyraǵan birinshi qala retinde tanymal.
