© Photo : CC0 / Steve Bidmead
Elorda politseileri birneshe márte urlyq jasaǵan qyzdy Qaraǵandyda ustady. Jas qyz Qazaqstan aýmaǵynda birqatar urlyq jasady degen kúdikke ilingen, – dep habarlaidy Polisia.kz.
25 jastaǵy kúdiktini Astana qalasy Baiqońyr aýdany politsiia bóliminiń qyzmetkerleri quryqtaǵan.
Tamyz aiynda elorda bazarynyń aýmaǵynda satyp alýshynyń sómkesinen 930 myń teńge urlap ketken. Jábirlenýshiniń aitýynsha, urlyq aldynda ol jeke qajettilikteri úshin nesie alǵan.
Kúdikti ainalasyndaǵylarǵa kúdik týdyrmaý úshin hidjab kiip, áreket etken.
Urlyq faktileri boiynsha QR QK 188-baby (Urlyq) boiynsha sotqa deiingi tergeý amaldary júrgizilip jatyr.
Tergeý barysynda ustalǵan azamatshanyń eldiń basqa da aimaqtarynda urlyq jasaǵany anyqtaldy. Qazirgi ýaqytta ury qamaýǵa alyndy.
